Во четвртокот навечер на 10-ти декември iHeartRadio Jingle Ball им приреди на гледачите извонреден празничен виртуелен настан. Billie Eilish, Doja Cat, Dua Lipa, Harry Styles, Lewis Capaldi, Sam Smith, Shawn Mendes и уште многу други настапија на виртуелената сцена споделувајќи микс на своите најголеми хитови од оваа година заедно со некои сосема нови преработени верзии на празнични песни за да ја загреат толку посакуваната божиќна атмосфера.
Шоуто го отвори пејачката Doja Cat со изведба на “Santa Baby”. Lewis Capaldi се појави облечен како Дедо Мраз и ја испеа “Last Christmas” на Wham. Shawn Mendes изведе преработка на “Can’t Take My Eyes Off of You,” на Frankie Valli. Dua Lipa испеа емотивна верзија на “Happy Xmas,” од John Lennon. Осумнаесет годишната ѕвезда Billie Eilish заедно со својот брат Finneas ја изведе “Silver Bells”. BTS ја изведоа “Santa Claus Is Coming to Town”, а The Weeknd се појави со ретро изведба на „Save Your Tears”.
iHeartRadio Jingle Ball ја прославува својата 25 годишнина, период во кој на сцената на ова шоу се имаат појавено најголемите светски ѕвезид вклучувајќи ги и Taylor Swift, Ariana Grande, Justin Bieber, Destiny’s Child, Fifth Harmony, Lizzo, Bruno Mars и многу други. За одбележување на јубилејот на 3-ти декември беше емитувано посебно едночасовно издание под наслов iHeartRadio Jingle Ball Greatest Moments.
