Првиот Glastonbury фестивал е одржан во 1970 година еден ден после смрта на Џими Хендрикс, траел два дена, изведувачи биле Marc Bolan, Keith Christmas, Stackridge, Al Stewart, Quintessence и имало 1500 посетители. Веќе наредната година бројот на посетители се искачил на 12.000, за кон крајот на 90-тите да биде над 100.000, а од 2010 да се искачува над 200.000. На фестивалот низ годините наназад настапувале огромен број на изведувачи, вклучувајќи ги Боб Дилан, Род Стјуард, Дејвид Боуви, Ролинг Стоунс, Лени Кравитз, Стинг, Бјорк, Иги Поп и многу други. 

Фестивалот Glastonbury има големо културно и глобално значење со оглед на тоа што е најголемиот фестивал на отворено во светот и неговото откажување најверојатно ќе ги постави насоките за фестивалите што треба да се одржат оваа година. Во Велика Британија има 975 фестивали. За некои од поголемите настани овој месец ќе се донесат одлуки дали ќе продолжат, а за останатите се очекува да биде познато до март.