„Кармен“ првата премиера на Драмскиот театар за 2021!
Монодрамата „Кармен“ со Биљана Драгичевиќ-Пројковска е прва премиера на Драмскиот театар за оваа година. Изведбата е закажана за 21 мај во 20 часот. Претставата се игра на голема сцена, а според протоколите од Комисијата за заразни болести, во публика е дозволено од 60-70 гости. Претставата е во режија на Дејан Пројковски, работена по мотив од романот „Пет часа со Марио“ од Мигел Делибес.
„Основниот порив на задоволување на животинските нагони сигурно не е она што човекот го прави поразличен од животните. Кога би дошол крајот на оваа наша цивилизација се прашувам што е она што треба да остане како доказ за смислата и вредноста на нашето постоење. Сигурно тоа ќе бидат делата на Шекспир, Достоевски, музиката на Бах, иконите на Дичо Зограф, приказните на Цепенков, зборникот на Миладиновци. Сигурно нема како податок за нашето постоње да оставиме колкупластични шишиња сме произвеле, колку делфини сме отруле со нафта во океаните, колку војни сме воделе или колку конзерви успешно сме отвориле. Уметноста е духовната смисла на постоењето на секоја цивилизација. Токму затоа театарот е важен сегмент во Ноевиот ковчег на човештвото, бидејќи со векови го создава и чува се онашто претставува смисла и вредност на постоењето на нашата цивилизација“, вели Пројковски.
Wind: 8km/h N
Humidity: 85%
Pressure: 1021mbar
UV index: 0
4°C
3°C
3°C
3°C
12°C / -2°C
14°C / -1°C
13°C / 2°C
14°C / 4°C